وەزیری پلاندانان سەرژمێری گشتی دانیشتوانی بۆ ساڵی داهاتو دواخست
ناوخۆ
- 20-10-2020, 00:00
بەغدا_اەع
وەزیری پلاندان ،ئەمڕۆ سێشەممە، ڕایگەیاند بەهۆی بڵاوبوونەوەی ڤایرۆسی کۆرۆنا و قەیرانی ئابوری، سەرژمێری گشتی دانیشتوان دواخراوە بۆ ساڵی داهاتوو.
خالید بەتال، وەزیری پلاندان لەڕاگەیەندراوێکدا کە وێنەیەکی ئاژانسی هەواڵی عێراقی(اەع) کەوتووە ڕایگەیاند : " بەهۆی ئەو بارودۆخە ناڵەبارەی کە لەئێستادا جیهان وعێراق پێیدا گوزەر دەکات پێویست بەوە دەکات هەمووان هەوڵەکانیان یەک بخەن لەپێناو ڕاماڵینی ئاستەنگییەکان و کەمکردنەوەی لێکەوتەی ئەو دوو قەیرانە بۆ سەر کۆمەڵگای عێراق".
ڕوونیکردووەتەوە، "ڕۆڵی ئامار و داتا لەم دۆخەدا زۆر گرنگە، چونکە دەتوانین لە ڕێگەیانەوە ڕوبەڕوی خێرای قەیران و کێشەکان ببینەوە لەسەر ئاستی کۆمەڵایەتی و ئابوری، داتا ڕاستەقینەکان دادپەروەری کۆمەڵایەتی فەراهەم دەکەن و ئابوری وڵاتیش دەخەنەوە سەر ڕێچکەی ڕاستەقینەی خۆی".
جەختیشیکردەوە " بڵاوبوونەوەی ڤایرۆسی کۆرۆنا و ئەو قەیرانە ئابووری وداراییەی کە لە ئێستادا دووچاری عێراق بووەتەوە ناچاری کردووین پڕۆسەی سەرژمێری گشتی دانیشتوان دوابخەین بۆ ساڵی ئایندە".
