ڕه‌سوڵ: سەرەداوی گرنگمان لەبارەی ئەنجامدەرانى هێرشە مووشەكییەكان دەستكەوتووه
ئەمنی
- 4-10-2020, 00:00
به‌غدا-اه‌ع
لیوا یه‌حیا ڕه‌سوڵ وتەبێژى فەرماندەی گشتی هێزە چەكدارەكان ئەمڕۆ یەكشەممە ڕایگەیاند سەرەداوی گرنگمان لەبارەی ئەنجامدەرانى هێرشە مووشەكییەكانى ناوچه‌ى سه‌وز دەستكەوتووه.
ڕه‌سوڵ له لێدوانێكى بۆ ئاژانسى هه‌واڵى عێراقى(اه‌ع) ڕایگەیاند:" كاركردن لەچوارچێوەی پلانی هەواڵگری ورد بەردەوامە و بەهۆیەوە گەیشتوون بە "سەرەداوی گرنگ" دەربارەی هێرشە مووشەكییەكان".
". ،وتیشی، "لیژنەكانی لێكۆڵینەوە كە بە فەرمانی فەرماندەی گشتی هێزە چەكدارەكان پێكهێنراوە، ئامانج لێی گەیشتن بووە بەو كەسانەی مووشەك ئاراستەی ناوچەی سەوزی بەغداد و هاوڵاتییان دەكەن".
جەختیشكرده‌وه، پڕۆسەکانى سەپاندنى یاسا، شکۆى دەوڵەت و کۆنترۆڵکردنى چەک له ده‌ره‌وه‌ى یاسا بەردەوامن و نەوەستاون. تا ئه‌و كاته‌ی كێشه‌ی ناكۆكی خێڵه‌كان ته‌واو ده‌بێت ئه‌وه‌ش به هه‌ماهه‌نگی له‌گه‌ڵ هۆزه ڕه‌سه‌نه‌كانی عێراق
باسى له‌وه‌شكرد"له ئێستادا ئه‌ركمان پاراستنى زیاره‌تكارانى چله‌ى ئیمام حسێن-ه(س.خ).
سه‌باره‌ت به ناوچه جێناكۆكه‌كانیش، لیوا یه‌حیا ڕه‌سوڵ وتی، "هه‌ندێك ناوچه هه‌ن كه هێشتا چۆڵن، كه ئه‌و ناوچانه‌ن له‌نێوان هێزه‌كانی پاسه‌وانی سنوری هه‌رێم و هێزه ئه‌منیه‌كانی دیكه‌ی حكومه‌تی فیدراڵن".
ئه‌وه‌شی ئاشكراكرد، له‌نێوان بۆشاییه‌كاندا چه‌كدارانی رێكخراوی داعش بونیان هه‌یه، له‌ناوبردنیشیان پێویستی به كاری تایبه‌ت و پێشكه‌تو هه‌یه، لیژنه هاوبه‌شه‌كانی نێوان حكومه‌تی فیدراڵی، كه به سه‌ركردایه‌تی فه‌رمانده‌ی ئۆپه‌راسیۆنه هاوبه‌شه‌كان و وه‌زاره‌تی پێشمه‌رگه له هه‌رێمی كوردستان به‌ڕێوه‌ده‌برێن، كار بۆ ئه‌وه ده‌كه‌ن كه ئه‌و هه‌مو بۆشاییانه پڕبكه‌نه‌وه.
سه‌باره‌ت به ئه‌نجامدانی ئۆپراسیۆنی هاوبه‌ش له‌نێوان هێزه‌كانی عێراق و هێزی پێشمه‌رگه، لیوا یه‌حیا ره‌سوڵ رایگه‌یاند، له داهاتودا، له نێوان هێزه‌كانی حكومه‌تی فیدراڵی و هێزه‌كانی پێشمه‌رگه‌دا، ئۆپه‌راسیۆنێكی ئه‌منی هاوبه‌ش ئه‌نجامده‌درێت، بۆ گه‌ڕان به و ناوچانه‌دا و ڕێگه به بونی پاشماوه‌ی چه‌كدارانی داعش نادرێت جموجۆڵ بكه‌ن"
