سه‌ید سه‌در:هه‌ندێك لایه‌نى گوماناوى دۆخەکە ئاڵۆز دەکەن و ئاسایش و ئاشتی دەخەنە مەترسییەوە
- 28-09-2020, 00:00
به‌غدا-اه‌ع
سه‌ید موقتەدا سەدر، سەرۆكی رەوتی سەدر ئه‌مڕۆ دوشه‌ممه،رایگەیاند،هه‌ندێك لایه‌نى گوماناوى دۆخەکە ئاڵۆز دەکەن و ئاسایش و ئاشتی عێراق دەخەنە مەترسییەوە.
سەدر كه ئاژانسى هه‌واڵى عێراقى (اه‌ع)چاودێرى كردووه نوسیویەتی:لایەنی گوماناوی هەن دۆخەکە ئاڵۆز دەکەن و ئاسایش و ئاشتی عێراق دەخەنە مەترسییەوە."
سەرۆكی رەوتی سەدر وتیشی،"ئامۆژگاری هەمووان دەکەم ژیری و شەرع و خۆشەویستی نیشتمانی بەکاربهێنن، پێش ئەوەى وڵات بەرەو شەڕی ناوخۆیی و پێکدادانی شیعی-شیعی یاخود تایەفەگەری ببەن".
له كۆتایى تویته‌كه‌ى سه‌در رایگه‌یاند:"ئه‌وه بزانن كه خوێنى عێراقى حه‌رامكراوه له سه‌ر عێراقیه‌كى تر".
