وەزیری تەندروستی:عێراق یەکەم وڵات دەبێت ڤاکسینی کۆرۆنا هاوردە دەکات
ناوخۆ
- 6-09-2020, 00:00
به‌غدا-اه‌ع
حه‌سه‌ن ته‌میمی، وه‌زیری ته‌ندروستی رایگه‌یاند، هه‌ر كاتێك ڤاكسینی دژی ڤایرۆسی كۆرۆنا له‌لایه‌ن رێكخراوی ته‌ندروستیی جیهانه‌وه بڕیاری سه‌ركه‌وتنی له‌سه‌ر درا، عێراق یه‌كه‌م وڵات ده‌بێت له گه‌یشتن به‌و ڤاكسینه.
ته‌میمی بۆ ئاژانسى هه‌واڵى عیراقى(اه‌ع)،ئه‌مڕۆ یه‌كشه‌ممه،ڕایگه‌یاند: "هاورده‌كردنی هه‌ر ڤاكسینێك به‌پله‌ی یه‌كه‌م ده‌وه‌ستێته سه‌ر دانپێدانانی جیهانی و دڵنیایی له سه‌ركه‌وتنی به‌شێوه‌یه‌كی فه‌رمی له‌لایه‌ن رێكخراوی ته‌ندروستی جیهانییه‌وه.
ئاماژه‌ی به‌وه‌شدا، "وه‌زاره‌تی ته‌ندروستی هه‌موو ئه‌و چاره‌سه‌رانه‌ی به بڕێكی زۆر ده‌سته‌به‌ر كردووه، كه له‌چوارچێوه‌ی پرۆتۆكۆڵه جیهانییه‌كانی چاره‌سه‌ریدا په‌سه‌ندكراون بۆ چاره‌سه‌ركردنی تووشبووانی سووك و مامناوه‌ند و قورسی كۆرۆنا".
ته‌میمی داواشی له هاووڵاتیان كرد، پابه‌ندی رێكاره‌كانی وه‌زاره‌تی ته‌ندروستی و رێكخراوی ته‌ندروستی جیهان بن و پێگیری به دووری كۆمه‌ڵایه‌تییه‌وه بكه‌ن، بۆ ئه‌وه‌ی رێگری له ته‌شه‌نه‌سه‌ندنی په‌تاكه بكرێت.
