په‌رله‌مانتارێكى سائیرون:به دوو یاسا په‌رله‌مان دانیشتنى یه‌كه‌مى ده‌ست پێ ده‌كاته‌وه
ناوخۆ
- 24-08-2020, 00:00
به‌غدا-اه‌ع-نور زه‌یدى
و-سۆما جاف
به‌در زه‌یادی په‌رله‌مانتارى هاوپه‌یمانى سائیرون ،جه‌ختى كرده‌وه ئه‌نجومه‌نى نوێنه‌ران له 3ــى ئه‌یلولى داهاتوو ده‌ست به دانیشتنه‌كانى ده‌كاته‌وه به هه‌ردوو یاساى هه‌ڵبژاردن و دادگاى فیدڕاڵى.
زه‌یادى بۆ ئاژانسى هه‌واڵى عێراقى(اه‌ع) ،ئه‌مڕۆ دوو شه‌ممه ،رایگه‌یاند:" له میان دانیشتنى یه‌كه‌مى وه‌رزى یاسادانانى نوێ پرۆژه یاساى دادگاى فیدڕاڵى و برگه‌ى له‌كارخراوى یاساى هه‌ڵبژاردن كه په‌یوه‌سته به فره بازنه‌ییه‌وه".
ئاماژه‌ى به‌وه‌شكرد" ره‌نگه یاساى پارته سیاسیه‌كان بخرێته كارنامه‌ى دانیشتنى یه‌كه‌مى په‌رله‌مانه‌وه له پاڵ هه‌ردوو یاساى هه‌ڵبژاردن و دادگاى فیدڕاڵیه‌وه"، رونیشیكرده‌وه "زوربه‌ى لیژنه‌كانى په‌رله‌مان یاساى ئاماده‌كردووه بۆ ده‌نگدان وه‌ك یاساى تاوانى زانیاریه‌كان".
