له‌ئاكامى ده‌ستدرێژییه‌كى توركیا هه‌ردوو فه‌رمانده‌ى لیواى دوو وفه‌رمانده‌ى فه‌وجى سێى پاسه‌وانى سنور شه‌هیدبوون
ئەمنی
- 11-08-2020, 00:00
به‌غدا-اه‌ع
شانه‌ى ڕاگه‌یاندنى ئه‌منى،ئه‌مڕۆ سێشه‌ممه،ڕایگه‌یاند هه‌ردوو فه‌رمانده‌ى لیواى دوو وفه‌رمانده‌ى فه‌وجى سێى پاسه‌وانى سنور له‌ئاكامى ده‌ستدرێژییه‌كى توركیا شه‌هیدبوون.
شانه‌كه له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،بڵاویكرده‌وه"توركیا له‌ڕێگاى فڕۆكه‌یه‌كى بێفڕۆكه‌وانه‌وه تۆتۆمبێلێكى سه‌ربازى پاسه‌وانى سنور له‌ناوچه‌ى سیدكان كردۆته ئامانج".
وتیشى"له‌ئاكامى هێرشه‌كه فه‌رمانده‌ى لیواى دوو له‌پاسه‌وانى سنورى ناوچه‌ى یه‌كه‌م وفه‌رمانده‌ى فه‌وجى سێى لیواى دوو له‌گه‌ڵ شۆڤێرى ئۆتۆمبێله‌كه شه‌هیدبوون".
