كازمى بۆ دڵنیابوون له ره‌وشى ته‌ندروستى په‌یوه‌ندى به پادشاى سعودیه
- 22-07-2020, 00:00
به‌غدا-اه‌ع
مسته‌فا كازمى سه‌رۆك وه‌زیران ئه‌مرۆ چوارشه‌ممه ،ھەواڵی تەندروستی شا سه‌لمان بن عه‌بدولعه‌زیز پادشاى سعودیه‌ى پرسى.
نوسینگه‌ى راگه‌یاندنى سه‌رۆك وه‌زیران له راگه‌یاندراوێكدا كه ده‌ستى ئاژانسى هه‌واڵى عێراقى(اه‌ع) كه‌وتووه رایگه‌یاند:" كازمى پەیوەندییەکی تەلەفونی لەگەڵ شا سه‌لمان بن عه‌بدولعه‌زیز پادشاى سعویه ئەنجامدا، بەمەبەستی هەواڵپرسین لە تەندروستى".
به‌پێى راگه‌یه‌ندراوه‌كه كازمى هیوای تەندروستی و سەلامەتی بۆ پادشاى سعودیه خواست.
لەلای خۆیەوە شا سه‌لمان بن عه‌بدولعه‌زیز سوپاس و ستایشی سەرۆكى ئه‌نجومه‌نى وه‌زیرانى كرد،و هیواى خواست به زووترین كات چاوى به كازمى بكه‌وێت له سعودیه .
