كازمى وهاوتا قه‌ته‌رییه‌كه‌ى هاوكارییه‌كانى له‌هه‌ردوو بوارى په‌روه‌رده وخوێندنى باڵا تاوتوێ ده‌كه‌ن
- 20-07-2020, 00:00
به‌غدا-اه‌ع
مسته‌فا كازمى سه‌رۆكى ئه‌نجومه‌نى وه‌زیران ئه‌مڕۆ دووشه‌ممه،له‌گه‌ڵ خالید بن خه‌لیفه ئال سانى هاوتا قه‌ته‌رییه‌كه‌ى هاوكارییه‌كان له‌هه‌ردوو بوارى په‌روه‌رده وخوێندنى باڵا تاوتوێ كرد،له‌گه‌ڵ ئاڵوگۆركردنى دیدوبۆچوونه‌كان له‌باره‌ى ژماره‌یه‌ك پرسه هاوبه‌شه‌كانى هه‌رێمایه‌تى ونێوده‌وڵه‌تى هه‌نوكه‌یی.
نوسینگه‌ى ڕاگه‌یاندنى سه‌رۆكى ئه‌نجومه‌نى وه‌زیران له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،ڕایگه‌یاند"مسته‌فا كازمى سه‌رۆكى ئه‌نجومه‌نى وه‌زیران ئه‌مڕۆ دووشه‌ممه،په‌یوه‌ندییه‌كى ته‌له‌فۆنى له‌لایه‌ن خالید بن خه‌لیفه ئال سانى سه‌رۆكى ئه‌نجومه‌نى وه‌زیران وڵاتى قه‌ته‌ره‌وه،پێگه‌یشت "،ئاماژه‌یشى دا"له‌میان په‌یوه‌ندییه‌كه ته‌له‌فۆنییه‌كه په‌یوه‌ندییه دوو قۆڵییه‌كانى نێوان هه‌ردوو وڵاتى برا تاوتوێ كران ،له‌گه‌ڵ ڕێكاره‌كانى به‌ره‌وپێشبردنیان له‌بواره جیاجیاكان،به‌تایبه‌ت له‌هه‌ردوو بوارى په‌روه‌رده وخوێندنى باڵا، وهه‌روه‌ها ئاڵوگۆڕى دیدوبۆچوونه‌كان له‌ژماره‌یه‌ك پرسى هاوبه‌شى هه‌رێمایه‌تى ونێوده‌وڵه‌تى هه‌نوكه‌یی".
ڕاگه‌یه‌ندراوه‌كه وتیشى"له‌په‌یوه‌ندییه‌كه باس له‌به‌ڵاى كۆرۆنا ولێكه‌وته‌كانى كرا كه‌ئابوورییه‌كانى جیهان به‌گشتى په‌كخست،وهه‌روه‌ها ئه‌ركى هه‌ردوو وڵات له‌به‌رنگاربوونه‌وه‌ى خرایه‌ڕوو،له‌گه‌ڵ گرنگى هه‌ماهه‌نگى هاوبه‌ش نێوان هه‌ردوولا له‌پێناو هاوكارى له‌به‌ره‌نگاربوونه‌وه‌ى به‌ڵاكه"،ڕوونیشیكرده‌وه"خالید بن خه‌لیفه ئاماده‌یی وڵاتى قه‌ته‌رى پیشاندا بۆ پاڵپشتى كردنى ئه‌ركى ته‌ندروستى عێراق له‌به‌ره‌نگاربوونه‌وه‌ى مه‌ترسى په‌تاى كۆرۆنا،له‌میان پێشكه‌شكردنى دوو نه‌خۆشخانه‌ى گه‌ڕۆك كه‌یه‌كێكیان بۆ پارێزگاى زیقار دابین ده‌كرێت،وئه‌وه‌ى تر بۆ شارۆچكه‌ى فه‌لووجه له‌پارێزگاى ئه‌نبار".
كازمى سوپاسى وڵاتى قه‌ته‌ر حكومه‌ت وگه‌ل كرد"،دووپاتیشیكرده‌وه"حكومه‌ته‌كه‌ى به‌په‌رۆشه بۆ پته‌وكردنى په‌یوه‌ندییه برایانه‌كانى نێوان هه‌ردوو وڵات".
