كازمى گه‌یشته به‌سڕه وسه‌رپه‌رشتى دانیشتنى ئه‌نجومه‌نى وه‌زیران كرد له‌پارێزگاكه
ناوخۆ
- 15-07-2020, 00:00
به‌غدا-اه‌ع
مسته‌فا كازمى سه‌رۆك وه‌زیران،ئه‌مڕۆ چوارشه‌ممه،گه‌یشته پارێزگاى به‌سڕه.
نوسینگه‌ى ڕاگه‌یاندنى كازمى له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،بڵاویكرده‌وه"كازمى له‌كاتى گه‌یشتنى بۆ پارێزگاكه دانیشتنى ئه‌نجومه‌نى وه‌زیران سازكرد.
ڕاگه‌یه‌ندراوه‌كه له‌سه‌ر زارى كازمى له‌میان دانیشتنى ئه‌نجومه‌نى وه‌زیران ڕایگه‌یاند:ده‌ستمانكرد به‌سازكردنى دانیشتنه‌كان له‌پارێزگاكانه‌وه وله‌به‌سڕه خۆشه‌ویستمان ده‌ستمانپێكرد بۆ جێ به‌جێ كردنى داخوازییه‌كانى كه‌سوكارمان وپێشكه‌شكردنى خزمه‌تگوزارى بۆ ئه‌و كه‌سانه".
ئاماژه‌یشى دا"كاركردن به‌یه‌ك تیم وته‌واوكارى یارمه‌تیده‌رمان ده‌بێت بۆ به‌ره‌نگاربوونه‌وه‌ى ئه‌و ئاسته‌نگییه زۆرانه ڕووبه‌رووى وڵات بۆته‌وه.
