ئه‌نجومه‌نى وه‌زیران فه‌رمانى فه‌رمى ده‌ركرد به‌ڕاگرتنى دوو مووچه‌یی و شایستەكانی دەستبەسەركراوانی ڕه‌فحا
ناوخۆ
- 22-06-2020, 00:00
به‌غدا-اه‌ع
ئەنجومەنی وەزیران بە فەرمانی فه‌رمى دوو مووچە و شایستەكانی دەستبەسەركراوانی رەفحای راگرت.
ئەمڕۆ دووشەممە، ئەنجومەنی وەزیران راگەیەنراوێكی بڵاوكردەوە كەده‌ستى ئاژانسى هه‌واڵى عێراقى(اه‌ع)كه‌وتووه،و تێیدا ئاماژە بەو فەرمانە فه‌رمییانە دەكات كە لەلایەن ئەنجومەنی وەزیرانەوە لە كۆبوونەوەی ئاسایی خۆیدا لە رۆژی 9 ی حوزەیرانی 2020 دەریكردووە سەبارەت بە مووچە و شایستەكانی دەستبەسەركراوانی رەفحا.
بەگوێرەی بڕیارەكانی ئەنجومەنی وەزیران، لەمەودوا دوو مووچەیی رادەگیرێت تەنها یەك كەس دەبێت سوودمەند بێت و مووچەكەشی نابێت لە یەك ملیۆن دینار زیاتر بێت، هەروەها دەبێت ئەو كەسەی مووچەكە وەردەگرێت لەعیراقدا بێت و سەرۆكی خێزان بێت و هیچ مووچەیەكی دیكەی لەلای حكومەت نەبێت.
