سەرۆک بەرھەم لەگەڵ بافڵ تاڵەبانی جه‌خت لەسه‌ر گرنگی چارەسەركردنی سەرجەم كێشە هەڵپەسێردراوەكانی نێوان هه‌ولێر وبه‌غدا ده‌كه‌نه‌وه
- 14-06-2020, 00:00
به‌غدا-اه‌ع
بەرهەم ساڵح سەرۆك كۆمار، ئەمڕۆ یەكشەممە،لەگەڵ بافڵ تاڵەبانی هاوسەرۆكی یەكێتیی نیشتمانیی كوردستان گفتوگۆى دەربارەی بارودۆخی سیاسی و ئەمنی وڵات كرد
نوسینگه‌ى ڕاگه‌یاندنى سه‌رۆك كۆمار له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،بڵاویكرده‌وه"لە دیدارێكدا لە کۆشکی بەغداد گفتوگۆكرا دەربارەی بارودۆخی سیاسی و ئەمنی و رێکارەکانی رووبەڕووبوونەوەی پەتای كۆرۆنا و ئەو كاریگەریانەی كە لەسەر ئابووری عێراق دروستیكردووە، هەروەك جەختیكرایەوە لە گرنگی چارەسەركردنی سەرجەم كێشە هەڵپەسێردراوەكانی نێوان ھەردوو حكومەتی فیدراڵ و حكومەتی هەرێمی كوردستان لەسەر بنەمای دەستوور و بڕگە یاساییەکان و پاراستنی مافی سەرجەم ھاووڵاتیانی عێراق و ھەرێمی کوردستان و مووچەخۆران بێ جیاوازی، بەجۆرێک دادپەروەری كۆمەڵایەتی بھێنێتەکایەوە.
لە تەوەرێکی دیکەی دیدارەکەدا باس لە ھاریکاری نێوان حکومەتی فیدراڵ و ھەرێم کرا، بۆ رووبەڕووبوونەوەی پاشماوەکانی تیرۆرستانی داعش، تاوەکو ئارامی و ئاسایش بەرقەرار بێت.
