وه‌زیرى به‌رگرى وسه‌رۆكى ده‌زگاى دژه تیرۆر جه‌خت له‌سه‌ر گرنگى به‌ره‌نگاربوونه‌وه‌ى گروپه تیرۆرستییه‌كان ده‌كه‌نه‌وه
ئەمنی
- 13-06-2020, 00:00
به‌غدا-اه‌ع
جومعه عیناد وه‌زیرى به‌رگرى،ئه‌مڕۆ شه‌ممه،چاوى كه‌وت به‌فه‌ریق روكن عه‌بدلوه‌هاب ساعدى سه‌رۆكى ده‌زگاى دژه تیرۆر.
نوسینگه‌ى ڕاگه‌یاندنى وه‌زیرى به‌رگرى له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،ڕایگه‌یاند "جومعه عیناد سه‌عدون له‌نوسینگه‌ى خۆى له‌باره‌گاى وه‌زاره‌ت،چاوى كه‌وتووه به‌فه‌ریق روكن عه‌بدولوه‌هاب ساعدى سه‌رۆكى ده‌زگاى دژه تیرۆر".
وتیشى"له‌میان دیداره‌كه‌دا وه‌زیرى به‌رگرى،جه‌ختى كردۆته‌وه له‌سه‌ر ڕۆڵى كاراى ده‌زگاى دژه تیرۆر له‌له‌ناوبردنى گروپه تیرۆرستییه‌كان وسه‌ركرده‌كانى"، جه‌ختیشى كرده‌وه له‌سه‌ر"گرنگى به‌رده‌وامیدان به‌به‌ره‌نگاربوونه‌وه‌ى هه‌چ كه‌سێك بیه‌وێت پشێوى له‌وڵات دروست بكات".
