وه‌زاره‌تى ته‌ندروستى تۆماركردنى 85 حاڵه‌تی نوێی تووشبوون به كۆرۆنا ڕاگه‌یاند
ناوخۆ
- 5-05-2020, 00:00
به‌غدا-اه‌ع
وه‌زاره‌تی ته‌ندروستی ئاماری 24 كاتژمێری رابردووی تووشبوون، مردن و چاكبوونه‌وه‌ی كۆرۆنای له سه‌رانسه‌ری وڵات راگه‌یاند.
به‌گوێره‌ی راگه‌یه‌ندراوه‌كه‌ی وه‌زاره‌تی ته‌ندروستی كه‌ده‌ستى ئاژانسى هه‌واڵى عێراقى(اه‌ع)كه‌وتووه، له ماوه‌ی 24 كاتژمێری رابردوودا پشكنینی پزیشكی بۆ 5 هه‌زار و 898 گومانلێكراو ئه‌نجامدراوه و تووشبوونی 85 كه‌سی دیكه به په‌تاكه به‌م شێوه‌یه‌ی خواره‌وه پشتڕاست كرایه‌وه:
به‌غدا/ روسافه: 5 حاڵه‌ت
به‌غدا/ كه‌رخ: 13 حاڵه‌ت
به‌غدا/ شاری پزیشكی: 16 حاڵه‌ت
نه‌جه‌ف: 2 حاڵه‌ت
كه‌ربه‌لا: 13 حاڵه‌ت
كه‌ركووك: 12 حاڵه‌ت
به‌سره: 19 حاڵه‌ت
میسان: 1 حاڵه‌ت
موسه‌ننا: 3 حاڵه‌ت
هه‌ولێر: 1 حاڵه‌ت
وه‌ك له راگه‌یه‌ندراوه‌كه‌دا هاتووه، له ماوه‌ی شه‌و و رۆژێكدا 4 كه‌س به‌هۆی په‌تاكه گیانیان له‌ده‌ستدا، به شێوه‌یه‌ك دوو كه‌س له ناوچه‌ی شاری پزیشكیی به‌غدا، یه‌كێك له ناوچه‌ی روسافه‌ی به‌غدا و یه‌كیكیش له پارێزگای به‌سره گیانیان له‌ده‌ستداوه، له‌كاتێكدا 27 حاڵه‌تی چاكبوونه‌وه له ڤایرۆسه‌كه راگه‌یه‌ندرا، وه‌ك ئه‌مه‌ی خواره‌وه:
به‌غدا/ روسافه: 5 حاڵه‌ت
به‌غدا/ شاری پزیشكی: 1 حاڵه‌ت
نه‌جه‌ف: 2 حاڵه‌ت
به‌سره: 3 حاڵه‌ت
بابل: 4 حاڵه‌ت
كه‌ربه‌لا: 1 حاڵه‌ت
هه‌ولێر: 4 حاڵه‌ت
سلێمانی: 7 حاڵه‌ت
تا ئێستا كۆی ئه‌وانه‌ی له سه‌رانسه‌ری عێراق تووشی په‌تاكه بوونه ژماره‌یان گه‌یشته 2 هه‌زار و 431 حاڵه‌ت، له‌و ژماره‌یه‌ش 102 كه‌س به‌هۆی ڤایرۆسه‌كه‌وه گیانیان له‌ده‌ستداوه و هه‌زار و 571 كه‌سیش به ته‌واوی چاك بوونه‌ته‌وه و 758 كه‌سیش هێشتا له نه‌خۆشخانه‌كان ماونه‌ته‌وه.
