دوو توشبووى نوێى ڤایرۆسى كۆرۆنا له‌نه‌جه‌ف تۆماركران
ناوخۆ
- 5-05-2020, 00:00
به‌غدا-اه‌ع
فه‌رمانگه‌ی ته‌ندروستی نه‌جه‌ف رایگه‌یاند، له ئه‌نجامی پشكنینه‌كان ئەمڕۆ دو توشبوی ڤایرۆسی كۆرۆنا ده‌ستنیشانكراون.
به‌گوێره‌ی راگه‌یه‌ندراوێكی فه‌رمانگه‌ی ته‌ندروستی نه‌جه‌ف،كه‌ده‌ستى ئاژانسى هه‌واڵى عێراقى(اه‌ع)كه‌وتووه، له ئه‌نجامی 182 پشكنین، كه له‌نێویاندا 61 پشكنینیان به‌شێوه‌یه‌كی هه‌ڕه‌مه‌كی كراون، 8 كه‌س ره‌وانه‌ی كه‌ره‌نتین كراون، له‌ئه‌نجامی پشكنینه‌كانیش ده‌ركه‌وتوه، كه دو كه‌سیان هه‌ڵگری ڤایرۆسی كۆرۆنان.
ئاماژه‌ی به‌وه‌شكردوه، یه‌كێك له توشبوه‌كان دانیشتوی گه‌ڕه‌كی میسانی ناوچه‌ی كوفه‌یه، ئه‌وی دیكه‌شیان دانیشتوی گه‌ڕه‌كی جه‌زیره‌ی نزیك خوێندنگه‌ی گه‌له، هه‌ردوكیان له‌ژێر چاودێری وردی پزیشكیدان و باری ته‌ندروستیان جێگیره.
