هەولێر تووشبوویەکی دیکەی ڤایرۆسی کۆرۆنا تۆمار ده‌كات
ناوخۆ
- 5-05-2020, 00:00
هه‌ولێر-اه‌ع
وەزارەتی تەندروستی حکومەتی هەرێم رایگەیاند، توشبویەکی دیکەی ڤایرۆسی کۆرۆنای نوێ لە پارێزگای ھەولێر دەستنیشانکراوە، کە پیاوێکی تەمەن 32 ساڵە.
وەزارەتی تەندروستی حکومەتی هەرێمی کوردستان لە راگەیەندراوێکدا كه‌ده‌ستى ئاژانسى هه‌واڵى عێراقى(اه‌ع)كه‌وتووه، رایگەیاند، لە بەردەوامی پشکنینەکان و گەڕان بەدوای گومانلێکراوان، توشبویەکی دیکەی ڤایرۆسی کۆرۆنای نوێ لە پارێزگای ھەولێر دەستنیشانکراوە، کە پیاوێکی تەمەن 32 ساڵ، دانیشتوی شارۆچکەی سێبیرانی سەر بە قەزای دەشتی هەولێرە، بەرکەوتەی توشبوانی پێشوە.
پێشووتریش د. دلۆڤان محه‌مه‌د، به‌ڕێوه‌به‌ری گشتی ته‌ندروستی هه‌ولێر له راگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،رایگه‌یاند، چوار توشبوی دیكه‌ی ڤایرۆسی كۆرۆنا چاكبونه‌ته‌وه، كۆی چاكبوانی پارێزگاكه‌ش گه‌یشتوه‌ته 173 كه‌س.
