پەڕلەمان ڕۆژى چوارشه‌ممه وه‌ك واده‌یه‌ك بۆ سازكردنى دانیشتنى دەنگدان بە حكومه‌ت دیاری كرد
- 4-05-2020, 00:00
به‌غدا-اه‌ع
سەرۆکایەتیی پەرلەمان وادەی کۆبوونەوەی پەرلەمانی بۆ دەنگدان بە کابینەکەی مستەفا کازمی دیاریکرد کە کاژێر 09:00ـی شەوی چوارشەممەیە.
لە راگەیێندراوێکی فەرمیدا كه‌ده‌ستى ئاژانسى هه‌واڵى عێراقى(اه‌ع)كه‌وتووه، سەرۆکایەتی پەرلەمان دەڵێت، لە کۆبوونەوەکە دەنگ لەسەر بەرنامەی وەزاریی و کابینەی نوێی حکومەت بە سەرۆکایەتیی مستەفا کازمی دەدرێت.
ئەمە لەکاتێکدایە ئەمڕۆ دووشەممە ،محەممەد حەلبووسی، سەرۆکی پەرلەمانی عێراق و مستەفا کازمی راسپێردراو بۆ پێکهێنانی حکومەتی نوێی عێراق کۆبوونەوە و گفتوگۆیان لەبارەی کۆبوونەوەی پەرلەمان بۆ دەنگدان بە کابینەکەی کازمی کردووە.
