ته‌ندروستى هه‌ولێر ڕایگه‌یاند چوار تووشبووی دیكه‌ی كۆرۆنا چاكبوونه‌وه
ناوخۆ
- 4-05-2020, 00:00
هه‌ولێر-اه‌ع
د. دلۆڤان محه‌مه‌د، به‌ڕێوه‌به‌ری گشتی ته‌ندروستی هه‌ولێر ئه‌مڕۆ دوشه‌ممه رایگه‌یاند، چوار توشبوی دیكه‌ی ڤایرۆسی كۆرۆنا چاكبونه‌ته‌وه، كۆی چاكبوانی پارێزگاكه‌ش گه‌یشتوه‌ته 173 كه‌س.
به‌گوێره‌ی راگه‌یه‌ندراوێكی ته‌ندروستی هه‌ولێر كه‌ده‌ستى ئاژانسى هه‌واڵى عێراقى(اه‌ع)كه‌وتووه، د. دلۆڤان محه‌مه‌د رایگه‌یاندوه، ئه‌مڕۆ دوشه‌ممه، چوار نه‌خۆشی توشبو به ڤایرۆسی كۆڕۆنا دوای وه‌رگرتنی چاره‌سه‌ری پزیشكی به‌ته‌واوی چاكبونه‌ته‌وه و باری ته‌ندروستییان ته‌واو جێگیر بوه‌ته‌وه، پشكنینی تایبه‌تی یه‌كیان له‌دوای یه‌كی بۆ كرایه‌وه كه نێگه‌تیڤ بو و بڕیاردرا بنێردرێنه‌وه ماڵه‌وه.
دواین ئاماری چاكبوانی ڤایرۆسی كۆرۆنای ئاشكراكردوه و ئه‌وه‌یخستوه‌ته‌ڕو، كۆی ئه‌و كه‌سانه‌ی كه هه‌ڵگری ڤایرۆسه‌كه بون و چاكبونه‌ته‌وه گه‌یشتوه‌ته 173 كه‌س.
