ته‌ندروستى بەسڕە :17 توشبووی نوێى ڤایرۆسى کۆرۆنا تۆمارکران
ناوخۆ
- 2-05-2020, 00:00
به‌سڕه-اه‌ع
لە پارێزگای بەسرە 17 تووشبووی دیکە بە ڤایرۆسی کۆرۆنا تۆمارکران و 13 تووشبووی ڤایرۆسەکەیش چاکبوونەتەوە.
فەرمانگەی تەندروستیی بەسرە،ئەمڕۆ شەممە، لە راگەیێندراوێکدا كه‌ده‌ستى ئاژانسى هه‌واڵى عێراقى(اه‌ع)كه‌وتووه بڵاویکردەوە، لە پارێزگای بەسرە 17 تووشبووی دیکە بە ڤایرۆسی کۆرۆنا تۆمارکران، 13 تووشبوویش چاکبوونەتەوە و هیچ مردنێکیش تۆمارنەکراوە.
فەرمانگەی تەندروستیی پارێزگای بەسرە ئاماژەی بەوەش کردووە، کۆی گشتیی تووشبووان بە ڤایرۆسی کۆرۆنا لە پارێزگاکەدا 468 تووشبووە، 214 تووشبوو چاکبوونەتەوە، 237 تووشبوویان لەژێر چارەسەرکردندان و 17 تووشبوویش بەو هۆیەوە گیانیان لەدەستداوە.
