شەش توشبوی دیکەی کۆرۆنا لە هەولێر تۆماركران
ناوخۆ
- 2-05-2020, 00:00
هه‌ولێر-اه‌ع
وەزارەتی تەندروستی هەرێمی کوردستان رایگەیاند، شەش توشبوی دیکەی کۆرۆنا لە هەولێر دەستنیشانکران.
وەزارەتی تەندروستی حکومەتی هەرێمی کوردستان لە راگەیەندراوێکدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،رایگەیاند، لە بەردەوامی پشکنینەکان و گەڕان بەدوای گومانلێکراوان، شەش توشبوی دیکەی ڤایرۆسی کۆرۆنای نوێ COVID-19 لە پارێزگای ھەولێر دەستنیشانکران.
ئاماژەی بەوەشکردوە، توشبوەکان پێنج پیاو و ئافرەتێکن، دانیشتوی قەزای سۆرانن لە گەڕەکەکانی برایەتی و 26گولان و کۆمەڵگای گەڵالە، ھەمویان بەرکەوتەی توشبوانی پێشون.
