سه‌رۆك كۆمار چڕكردنه‌وه‌ى ڕێوشوێنه‌كانى به‌ره‌نگاربوونه‌وه‌ى په‌تاى كۆرۆنا تاوتوێ ده‌كات
ناوخۆ
- 29-04-2020, 00:00
به‌غدا-اه‌ع
د. به‌رهه‌م ساڵح سه‌رۆك كۆمار لە کۆشکی سەلام لەبەغدا پێشوازیکرد له سه‌رۆكی لیژنه‌ی ئاسایش و بەرگری ئەنجومەنی نوێنەران، محەمەد رەزا و ژمارەیەک لە ئه‌ندامانی لیژنه‌كه.
نوسینگه‌ى ڕاگه‌یاندنى سه‌رۆك كۆمار له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،ئاماژه‌ى به‌وه‌دا "لە دیدارەکەدا دوا پێشهاتە ئەمنییەکانی وڵات خرایە روو، هەروەها دووپاتیشکرایەوە لە پارێزگاریکردن لەو سەرکەوتنانەی بەدەست هاتوون و پاراستنی سنورەکان و بەرقەرارکردنی سەقامگیری عێراق لە میانی بەردەوامی ڕاوەدونانی پاشماوەی تیرۆریستان و رێگرتن لە دووبارە گەڕانەوەی داعش".
هەر لەدیدارەکەدا باس لە پشتیوانیکردنی سەرجەم هێز و پێکهاتە ئەمنییەکان و پێشخستنی تواناکانیان و مەشق و پڕچەککردنی کرا بۆ ریشەکێشکردنی تیرۆر.
ھاوکات جەختکرایەوە لە چڕکردنەوەی رێوشوێنەکانی رووبەڕووبوونەوەی ڤایرۆسی کۆرۆنا و جێبەجێکردنی بڕیارەکانی شانەی قەیرانەکان، بۆ رێگرتن لەبڵاوبوونەوەی ڤایرۆسەکە بەجۆرێک کەسەلامەتی تەندروستی گەلانی عێراق بپارێزێت.
