ته‌ندروستى نه‌جه‌ف: ئه‌مڕۆ هیچ توشبوویه‌كى كۆرۆنا تۆمار نه‌كراوه
ناوخۆ
- 25-04-2020, 00:00
نه‌جه‌فى پیرۆز-اه‌ع
بەڕێوەبەرایەتی گشتی تەندروستی پارێزگای نەجەف بڵاویکردەوە، لە 24 کاتژمێری رابردودا 85 پشکنینی تایبەت بە کۆرۆنا بەشێوەیەکی هەرەمەکی و بۆ ئەونەی گومان لێکراو بون ئەنجامدراوە، لە دەرئەنجامیشدا سەرجەم پشکنینەکان نێگەتیڤ دەرچون و هەڵگری پەتاکە نەبون.
بەڕێوەبەرایەتی گشتی تەندروستی پارێزگای نەجەف لە راگەیەنراوێکدا كه‌ده‌ستى ئاژانسى هه‌واڵى عێراقى(اه‌ع)كه‌وتووه، رایگەیاند، لە 24 کاتژمێری رابردودا 85 پشکنینی تایبەت بە کۆرۆنا ئەنجامدراوە، لەو ژمارەیەش 44 پشکنین بەشێوازی هەرەمەکی و پێنج پشکنینش لەو کەسانە وەرگیراوە کە لە ژێرچاودێری تەندروستیدابون.
ئاماژەی بەوەشکردوە، بەرەبەیانی ئەمڕۆ شەممە 25ی نیسانی ئەنجامی پشکنینەکان دەرچوە کە سەرجەمیان نێگەتیڤ بون و هەڵگری پەتاکە نەبون.
تەندروستی نەجەف ئەوەشی خستوەتەڕو، لە ئێستادا کۆی توشبوانی کۆرۆنا لە نەجەف 301 توشبو تۆمارکراوە، لەو ژمارەیەش 255 کەس چاکبونەتەوە و پێنج توشبوش گیانیانلەدەستداوە.
