هاوپه‌یمانى فه‌تح:وتوێژ نیه له‌گه‌ڵ زورفى
- 31-03-2020, 00:00
به‌غدا-اه‌ع
هاوپه‌یمانى فه‌تح،ئه‌مڕۆ سێشه‌ممه،دووپاتیكرده‌وه هیچ دانوستانێك له‌گه‌ڵ عه‌دنان زورفى سه‌رۆكى وه‌زیرانى ڕاسپێردراو له‌سایه‌ى ئه‌م ڕه‌وشه ئه‌نجام نه‌دراوه.
ئه‌حمه‌د ئه‌سه‌دى وته‌بێژى هاوپه‌یمانى فه‌تح به‌ئاژانسى هه‌واڵى عێراقى(اه‌ع) ڕایگه‌یاند"هاوپه‌یمانى فه‌تح چاوه‌ڕوانى پێشهاته‌كان له‌دۆسییه‌ى ڕاسپاردنه‌كه ده‌كات"،ئه‌وه‌یشى خسته‌ڕوو"له‌سایه‌ى ئه‌م ڕه‌وشه هیچ دانوستانێك ئه‌نجام نه‌دراوه".
وتیشى"هه‌ڵوێستى فه‌تح ویاسا وحیكمه وعه‌قد وفه‌زیله ڕه‌تكردنه‌وه‌ى میكانزمى ڕاسپاردنه‌كه‌یه وڕازیش له‌سه‌رى نابن".
جێ ئاماژه‌پێكردنه په‌رله‌مانتار ئه‌حمه‌د ئه‌سه‌دى سه‌رۆكى فراكسیۆنى سه‌نه‌دى نیشتمانى دووپاتیكرده‌وه مافى هاوپه‌یمانى فه‌تحه سه‌رۆكى وه‌زیران رابسپێرێت بۆ پێكهێنانى حكومه‌تى داهاتوو به‌و پێیه‌ى زۆرینه‌ى په‌رله‌مانییه.
ئه‌سه‌دى له‌تویتێكدا له‌لاپه‌ڕه‌ى خۆى له‌پێگه‌ى تویته‌ر ڕایگه‌یاند"هاوپه‌یمانى فه‌تح یه‌ك هه‌ڵوێستى نه‌گۆڕاوه‌ى هه‌یه وسووره له‌سه‌ر جێ به‌جێ كردنى ده‌ستوور وپاراستنى مافى زۆرینه‌ى په‌رله‌مانى"،ئاماژه‌یشى دا"هاوپه‌یمانى فه‌تح هیچ دانوستان ولێكتێگه‌یشتنى له‌گه‌ڵ سه‌رۆك وه‌زیرانى ڕاسپێردراو نییه وهێشتا هه‌ڵوێسته‌كه‌ى وه‌كو خۆى ماوه‌ته‌وه.
سه‌رۆكى فراكسیۆنى سه‌نه‌دى نیشتمانى "داواى پاراستنى مافى زۆرینه‌ى كرد "دووپاتیشیكرده‌وه"زۆرینه مافى خۆكاندیدكردنى هه‌یه وسه‌رۆكیش مافى راسپاردنى هه‌یه".
