هاوپه‌یمانى نێوده‌وڵه‌تى بنكه‌ی ئاسمانی گه‌یاره‌یان له‌نه‌ینه‌وا راده‌ستی هێزه ئه‌منیه‌كانی عێراق كرد
ئەمنی
- 26-03-2020, 00:00
به‌غدا-اه‌ع
له مه‌راسیمێكدا هێزه‌كانی هاوپه‌یمانان بنكه‌ی ئاسمانی گه‌یاره‌یان راده‌ستی هێزه ئه‌منیه‌كانی عێراق كرده‌وه.
ئەمڕۆ پێنجشەممە عه‌مید فنسنت باركر به‌رێوه‌به‌ری كاروباری پرۆسه‌كان له هێزه هاوبه‌شه‌كان رایگه‌یاند بنكه‌ی ئاسمانی گه‌یاره رۆڵی گرینگی گێراوه بۆ هێزه ئه‌منیه‌كانی عێراق و هێزه‌كانی هاوپه‌یمانان له پرۆسه‌ی ئازادكردنی شاری موسڵ به‌تایبه‌تی كه له‌و بنكه‌یه‌وه گورزی كوشنده له چه‌كدارانی داعش دراون.
ناوبراو راشگه‌یاند به هه‌مانگی له‌گه‌ڵ لایه‌نی عێراقی ئه‌مرۆ بنكه‌كه راده‌ستی هێزه ئه‌منیه‌كانی عێراق كرانه‌وه و هاوكات راشیگه‌یاند ئه‌وه‌ی ئه‌مرۆ به‌ده‌ستهاتووه به هه‌وڵ و كۆششی هێزه هاوبه‌شه‌كان بووه.
ناوبراو راشیگه‌یاند هێزه ئه‌منیه‌كانی عێراق به‌رده‌وام ده‌بێت له روبه‌روبوونه‌وه‌ی داعش و راشگه‌یاند دوای راده‌ستكردنی كه‌ل و په‌ل و پێداویستیه‌كان به هێزه عێراقیه‌كان له چه‌ند رۆژی داهاتوودا هێزه‌كانی هاوپه‌یمانان بنكه‌كه جێده‌هێلن.
نێچیرڤان بارزانی پیرۆزبایی لە مەسیحییان دەكات
- سیاسی
- 08:38
