عه‌لاوى به بلاسخارت راده‌گه‌ێنێت داواكارى خۆپیشانده‌ران جێ به‌جێ ده‌كه‌ین
- 3-02-2020, 00:00
به‌غداد-اه‌ع
محه‌مه‌د تۆفیق عه‌لاوى سه‌رۆك وه‌زیرانى راسپێردراو، ئه‌مڕۆ دووشه‌ممه ، به‌ڵێنى دووپاتكرده‌وه به جێ به‌جێ كردنى داواكارى خۆپیشانده‌ران و پێكهێنانى حكومه‌ت له كسانى لێهاتوو تواناى به‌رێوه‌بردنى وڵاتیان هه‌بێت.
نوسینگه‌ى راگه‌یاندنى سه‌رۆك وه‌زیران له به‌یانامه‌یه‌كدا كه وێنه‌یه‌كى ده‌ستى ئاژانسى هه‌واڵى عێراقى (اه‌ع) كه‌وتووه رایگه‌یاند :"محەمەد تۆفیق عەلاوی، سەرۆك وەزیرانی راسپێردراو بۆ پێكهێنانی حكومەتی نوێی پێشوازیكرد لە هینیس جێنین پلاسخارت، نوێنەری نەتەوە یەكگرتوەكان لەو وڵاتە و لەمیانی چاوپێكەوتنەكەدا هەردولا دۆخی ئێستا و داهاتوی عێراقیان تاوتوێ كرد.
لای خۆیەوە عەلاوی، پێداگری خۆی دوپاتكردەوە لەسەر بەجێهێنانی داخوازییەكانی خۆپیشاندەرانی وڵاتەكەی و پێكهێنانی حكومەتێكی بەتوانا بۆ بەڕیوەبردنی وڵات لەم دۆخە هەستیارەدا و فەراهمكردنی دۆخەكە بەمەبەستی ئامادەكاری بۆ ئەنجامدانی هەلبژاردنێكی پاك لە ئاستی ویستەكانی تەواوی عێراقییەكاندا بێت.
لاى خۆیه‌وه جێنین پلاسخارت پیرۆزبایی خۆی ئاراستەی عەلاوی كرد بەبۆنەی راسپاردنی بۆ پێكهێنانی حكومەتی نوێی و پەیمانیدا نەتەوە یەكگرتوەكان بە تەواوی پشتیوانی لە حكومەتی نوێ ده‌كه‌ن لەپێناو خزمەتكردنی داهاتووی عێراق و داخوازییەكانی رۆڵەكانی.
