وه‌زیرانى ده‌ره‌وه‌ى فه‌ره‌نسا و ئه‌ڵمانیا و چین جه‌خت له‌سه‌روه‌ری عێراق ده‌كه‌نه‌وه
- 4-01-2020, 00:00
چاودێرى-اه‌ع
وه‌زیرانى ده‌ره‌وه‌ى فه‌ره‌نسا و ئه‌ڵمانیا و چین ، ئه‌مڕۆ شه‌ممه جه‌ختیان له گرنگى پاراستنى سه‌روه‌رى و سه‌قامگیرى عێراق كرد.
جان ئیڤ لۆدریان وه‌زیرى ده‌ره‌وه‌ى فه‌ره‌نسا رایگه‌یاند كه :" له‌گه‌ڵ هه‌ریه‌ك له وه‌زیرانى ده‌ره‌وه‌ى ئه‌ڵمانیا و چین ره‌وشى ڕۆژهه‌ڵاتى ناوه‌راستیان تاوتوێى كردووه".
لۆدریان ئاماژه‌ى به‌وه كرد پاریس و به‌كین هاو ڕان له‌سه‌ر فراوان نه‌بوونى گرژى و ئاڵۆزیه‌كان له ڕۆژهه‌ڵاتى ناوه‌راست ، وتیشى " له‌گه‌ڵ هه‌ردوو هاوتا ئه‌ڵمانى و چینیه‌كه‌ى رێكه‌وتووه له‌سه‌ر گرنگى دان به پاراستنى سه‌روه‌رى و سه‌قامگیرى عێراق و زامن كردنى پێشێلنه‌كردنى گرێبه‌ستى ڤیه‌ننا له‌لایه‌ن ئێرانه‌وه".
