ئه‌حمه‌د قاید ساڵح سوپاسالاری جەزائیر كۆچی دواییكرد
- 23-12-2019, 00:00
چاودێرى-اه‌ع
ئاژانسی هەواڵی جەزائیر بڵاویكردەوە، ئەمڕۆ دووشەممە فەریق ئەحمەد قاید ساڵح سەرۆكی ئەركانی سوپای وڵاتەكەی كۆچی دواییكردووە.
هۆكاری مردنی سەرۆك ئەركانی سوپای جەزائیر جەڵتەی دڵ بووە و لەتەمەنی 80 ساڵیدا كۆچی دوایی كردووە.
عەبدولمەجید تەبون سەرۆكی جەزائیر بۆ ماوەی سێ رۆژ پرسەی نیشتمانی راگەیاندووە و 7 رۆژیش بۆ دامەزراوە سەربازییەكان دیاریكراوە بۆ متەمی گشتی.
سەرۆك كۆماری جەزائیر دوای ئەو رووداوە لیوا سەعید شەنقەریحەی راسپاردووە ئەركی سوپاسالاری وڵات بگرێتە ئەستۆ.
