سه‌رۆكى ئەنجومەنی نوێنەران كۆبونەوه‌یه‌ك سازده‌كات بۆ گفتوگۆكردن لەسەر یاسای هەڵبژاردنەكان
- 3-12-2019, 00:00
به‌غدا-اه‌ع
محەمەد حەلبوسی سەرۆكی ئەنجومەنی نوێنەران كربونەوەیەكی فراوانی رێكخست كە هەر یەك لە جێگرانی و سەرۆكی فراكسیۆنەكان و شارەزایانی لە خۆگرتبوو بە ئامادەبوونی جێگری نوێنەری ئەمینداری گشتی نەتەوەیەكگرتوەكان لە عێراق و تیمی یاریدەدەری سەر بە رێكخراوە نێوەدەوڵەتیەكە، ئەوەش لە چوارچێوەی زنجیرەیەك كۆبونەوەی بەردەوام بۆ گفتوگۆكردن سەبارەت بە یاسای هەڵبژاردنی ئەنجومەنی نوێنەرانى عێراق.
به‌پێ راگه‌یه‌ندراوێكى نوسینگه‌ى ڕاگه‌یاندنى سه‌رۆكى ئه‌نجومه‌نى نوێنه‌ران كه‌ده‌ستى (اه‌ع)كه‌وتووه حه‌لبوسى ڕایگەیاند: پەرۆشن بۆ دەركردنی یاسایەك خواستی گەلی عێراق لە خۆبگرێت، و مەودای بەشداریكردن فراوان بكات، و متمانە بۆ دەنگدەر بگەرێنێتەوە، ئاماژەی بەوەش كرد بەشداربوونی شارەزایانی عێراقی و نێودەوڵەتی لە نەتەوەیەكگرتوەكان پەرۆشی ئەنجومەنی نوێنەران دەردەخات بە دەركردنی سیستمێكی هەڵبژاردنی دادپەروەر و بونی مەرجی هونەری تیایدا لەسەر ئاستی ئەو پێشنیارانەی خروانەتەڕوو، تەئكیدیشی كردەوە ئەو گفتوگۆیانە رێگە خۆش دەكەن بۆ دەركردنی بڕیارێكی سیاسی كە هاوتەرێب بێت لەگەڵ قۆناغی ئێستای عێراق و داواكاری خۆپیشاندەران.
بەشداربوانی كۆبونەوەكەش ئەو بەربەستانەیان خستەڕوو كە پرۆسەی هەڵبژاردن پیایاندا تێپەڕی لە ساڵای ڕابردوودا، تەئكیدیان كردەوە لەسەر گرنگی نوێكردنی تۆماری دەنگدەران بە پێی سەرژمێری دانیشتوان لە سەرتاسەری عێراق.
تیمی هاریكاری هەڵبژاردنی سەر بە نەتەوەیەكگرتوەكانیش پێشنیارێكیان خستەڕوو دەرحەق بە سیستمی هەڵبژاردن لە جیهاندا، و رونیانكردەوە كە عێراق پێویستی بە تایبەتمەندییە لە چەند شار و قەزایەكی تایبەت بە ئاوارەكان هەیە، ئامادەییشیان نیشاندا بۆ پێشەكەش كردنی هاریكاری هونەری و زیادكردنی ژمارەی شارەزایانیان.
هەر لە كۆبونەوەكەدا میوانداری فراوان بۆ كادری هونەری لە كۆمسیۆن رێكخرابوو، ئەوانیش توانای هونەریان خستەڕوو لەگەڵ پێداویستیەكانی سیستمی هەڵبژاردنی نوێ و پشتیوانی هونەری تایبەت بە پرۆسەی هەڵبژاردن لە ژمارەی دانیشتوان و نوێكردنەوەی تۆماری دەنگدەران.
