سەرۆک کۆمار پێشوازی له شێخ جمال زاری کرد
- 29-05-2019, 00:00
سەرۆک کۆمار د. بەرھەم ساڵح ئەمڕۆ چوار شەممە ٢٩|٥|٢٠١٩ لە کۆشکی سەلام لە بەغدا پێشوازیكرد له ئەمینداری گشتی پڕۆژەی نیشتمانی عێراقی شێخ جمال زاری و ژمارەیەک لە ئەندامانی ئەنجومەنی پارێزگای بەغدا.
لە دیدارەکەدا سەرۆک بەرھەم ساڵح جه‌ختی لە گرنگی ھەماھەنگی و کاری هاوبه‌شی نێوان لایەنە سیاسییەکان کردەوە، بۆ پاراستنی یەکڕیزی نیشتمانی و پێکەوەژیانی ئاشتیانەی نێوان گشت پێکھاتەکانی گەلی عێراق، ھاوكات ئاماژەی بە پێویستی یەکخستنی هه‌وڵه‌كان كرد لە پێناوی دەستەبەرکردنی ماف و گوزەرانێکی باشتر بۆ ھاووڵاتیان.
هه‌ر له میانی دیده‌ره‌كه‌دا سەرۆک كۆمار جەختی لە پێویستی گرنگی دانی زیاتر به پێشخستن و پێشكه‌شكردنی خزمه‌تگوزارییه پێویسته‌كان بە ھاووڵاتیانی شاری به‌غدا كرده‌وه.
لەلای خۆیانەوە شاندی میوان ھەوڵەکانی سەرۆک کۆماریان بەرز نرخاند لە نزیککردنەوەی دید و بۆچوونی نێوان گشت لایەنەکان و چاودێریکردن و جێ بەجێکردنی پرۆژە خزمەتگوزارییەکانی بەغدای پایتەخت.
