سەرۆک کۆمار پێشوازی لە حەیدەر عبادی کرد
- 22-04-2019, 00:00
سەرۆک کۆمار د. بەرھەم ساڵح ئەمڕۆ یەک شەممە ٢٠١٩/٤/٢١ لە کۆشکی سەلام لە بەغدا پێشوازیکرد لە سەرۆکی ھاوپەیمانی نەسر حەیدەر عبادی، سەبارەت بە دوا پێشھاتە ئەمنی و سیاسییەکانی عێراق و ناوچەکە گفتوگۆیان کرد .
لە دیدارەکەدا جەخت لە پێویستی یەکخستنی ھەوڵەکان کرایەوە لە پێناوی سەرخستنی بەرژەوەندی گشتی و وەلانانی ناکۆکییەکان و بەرجەستەکردنی سەقامگیری و ئارامی لە وڵات و دابینکردنی خزمەتگوزارییە پێویستەکان بە ھاووڵاتییانی عێراقی بە گشت پێکھاتەکانییەوە.
