دەستەی دەستپاكی: بەراورد بە ٢٠١٧ لە ٢٠١٨دا رێژەی گەندەڵی زیادیكردووە
ناوخۆ
- 15-04-2019, 00:00
هەولێر – ا ه ع
دەستەی دەستپاكی هەرێمی كوردستان راپۆرتی ساڵانەی بڵاوكردەوە و ئاشكرایكرد، بەراورد بە ساڵی ٢٠١٧ لە ساڵی ٢٠١٨ دا رێژەی گەندەڵی زیادیكردووە.
سەرخێل هاشم بەرپرسی راگەیاندنی دەستەی دەستپاكی هەرێمی كوردستان راپۆرتی ساڵی ٢٠١٨ی تایبەت بە گەندەڵی لە هەرێمی كوردستان بڵاوكردەوە و رایگەیاند، بەهای گەندەڵی خەمڵێندراو لە هەرێمی كوردستان لە ساڵی ٢٠١٨دا بڕەكەی ٢٧٥ ملیار و ٧٢٠ ملیۆن دینار بووە لەو بڕە پارەیەش تەنها پێنج ملیار و ٣٨١ ملیۆن دینار گەڕێندراوەتەوە .
روونیشیكردەوە، كە نەبوونی دادگایەكی سەربەخۆ تایبەت بە دەستەی دەستپاكی لە هەرێمی كوردستان بۆتە گرفت لە بەردەم یەكلاكردنەوەی كەیسەكانی گەندەڵی لە كاتێكی زوودا.
