سەرۆكی ئەنجومەنی نوێنەران پێشوازی لە بەرێز عەمار حەكیم دەكات
- 24-03-2019, 00:00
محەمەد حەلبوسی سەرۆكی ئەنجومەنی نوێنەران، ئەمرۆ شەممە، پێشوازی كرد لە عەمار حەكیم سەرۆكی رەوتی حكمە.
لە میانی دیدارەكە گفتوگۆ سەبارەت بە دوا پێشهاتە سیاسی و ئەمنیەكانی وڵات كرا لە پێش هەمویانەوە پارێزگای نەینەوا و دۆسیەی لیژنەكانی پەرلەمان و كاراكردنی دەسەڵاتی یاسادانان و رۆڵی چاودێری بۆ بەهێزكردنی ئەدای دەسەڵاتی جێبەجێكردن و بەرەنگاربوونەوەی گەندەڵی.
هەر لە دیدارەكە جەختكرایەوە لەسەر گرنگی هاریكاری نێوان هێزە سیاسیەكان و پشتیوانی حكومەت بۆ جێبەجێكردنی بەرنامە ویزاریەكەی بەمەبەستی گەیاندنی خزمەتگوزاری و جێبەجێكردنی داواكاری هاوڵاتیان.
