سه‌رۆك كۆمار و سه‌رۆكی ئه‌نجومه‌نی وه‌زیران كۆبوونه‌وە و جه‌ختیان له پێویستی پابه‌ندبوون به ده‌ستوور کردەوە
- 12-02-2019, 00:00
بەغداد – ا ه ع
د.بەرهەم ساڵح سەرۆك كۆمار ئێوارەی دووشەممە له كۆشكی سەلام لە بەغدا پێشوازیكرد لە سەرۆكی ئەنجومەنی وەزیران د. عادل عەبدولمەهدی.
له میانی كۆبوونەوەكەدا باس لەدوا پێشهات و گۆڕانكارییە ئەمنی و سیاسییەكان كرا، هاوكات باس له پێویستی جێبەجێكردنی كارنامەی حكومەت كرا لە پێناو باشتركردنی ئاستی خزمەتگوزارییەكان و دەستەبەركردنی پێداویستیەكانی هاونیشتمانیان.
ھەر لە كۆبوونەوەكەدا هەردوولا هاوڕابوون لە بارەی یەكخستنی دید و بۆچوونی هێزە سیاسییەكان سەبارەت بە جیاوازییەكان و پاراستنی سەروەری و بنەما نەگۆرەكان بەگوێرەی دەستوور و سەرخستنی بەرەژەوەندی نیشتمانی بەسەر بەرژەوەندی حزبیدا، ھاوكات بەهێزكردنی پەیوەندییەكانی عێراق لەگەڵ وڵاتانی ناوچەكە و جیھان دووپاتكرایەوە.
