سەرۆكی ئەنجومەنی نوێنەران پێشوازی لە شاندێكی ئەنجومەنی نیشتمانی فەلەستین دەكات
- 23-01-2019, 00:00
بەغداد – ا ه ع
محەمەد حەلبوسی سەرۆكی ئەنجومەنی نوێنەران، ئەمرۆ چوارشەممە، پێشوازی كرد لە شاندێكی ئەنجومەنی نیشتمانی فەلەستین بە سەرۆكایەتی عەمران خەتیب و بە ئامادەبوونی محەمەد عەقیل باڵیۆزی فەلەستین لە بەغداد.
لەسەرەتای دیدارەكە شاندەكە سڵاوی سەلیم زەعنون سەرۆكی ئەنجومەنی نیشتمانی فەلەستینیان گەیاندە سەرۆكی ئەنجومەنی نوێنەران و تەئكیدیان لەسەر پەیوەندی مێژویی نێوان فەسەتین و عێراق كردەوە و هەڵوێستی عێراقیشیان بەرز نرخاند لەبەرامبەر پشتیوانیەكانی بۆ وڵاتەكەیان و هەوڵەكان بۆ بنیاتنانی پەیوەندیەكی پەرلەمانی تایبەت.
هەر لە دیدارەكەدا گفتوگۆ سەبارەت بە زیندوكردنەوەی رێكەوتنی دار بەیزا-ی تایبەت بە پەنابەران كرا لەگەڵ یاسای مانەوەی بیانی ژمارە 76 هاوكات وەفدی میوان هەوڵی خۆیان نیشاندا كە فەلەستین لیژنەیەكی هەمیشەیی لە پەرلەمانی عێراق هەبێت هاوشێوەی ئوردن و لوبنان و میسر.
بەرێزیان تەئكیدی كردەوە پەیوەندی نێوان عێراق و فەلەستین پەیوەندیەكی برایانەیە زیاتر لەوەی پەیوەندی هاورێیەتی بێت، پەرلەمان و حكومەتیش پشتیوانی گەلی فەلەستینن، رونیشیكردەوە عێراق بە گەل و سەرۆكایەتیەتیەوە پابەندن و هاوهەڵوێستن سەبارەت بە پرسی فەلەسین و وەك دەوڵەتیش لە فەلەستین دەڕوانن كە پایتەختەكەی قودسە.
لە كۆتایی دیدارەكە سەرۆكی ئەنجومەنی نوێنەران بانگهێشتی سەلیم زەعنون سەرۆكی ئەنجومەنی نیشتمانی فەلەستینی كرد سەردانی بەغداد بكات.
