سەرۆك كۆمار رۆژی پێنج شەممە بە فەرمی سەردانی قەتەر دەكات
- 8-01-2019, 00:00
له سه‌ر بانگهێشتی ئه‌میری وڵاتی قه‌ته‌ر شێخ ته‌میم بن حه‌مه‌د سه‌رۆك كۆمار د. به‌رهه‌م ساڵح رۆژی پێنج شه‌ممه 10-1-2019 به سه‌ردانێكی فه‌رمی ده‌گاته ده‌وحه پایته‌ختی ئه‌و وڵاته.
له‌و سه‌ردانه‌دا سه‌رۆك به‌رهه‌م ساڵح به ره‌سمی له‌لایه‌ن ئه‌میری قه‌ته‌ر و گه‌وره به‌رپرسانی ئه‌و وڵاته پێشوازی ده‌كرێت و هه‌ردوولا دۆسیی په‌یوه‌ندی نێوان عێراق و قه‌ته‌ر و دوا پێشهاته سیاسییه‌كان كه له‌م ناوچه‌یه روو ده‌ده‌ن گفتوگۆی له باره‌وه ده‌كه‌ن.
ئه‌م سه‌ردانه‌ش یه‌كێكه له‌و زنجیره سه‌ردانه ناوچه‌یی و نێوده‌وڵه‌تیانه‌ی سه‌رۆك به‌رهه‌م ساڵح بۆ دووباره رێكخستنه‌وه‌ی په‌یوه‌ندی و پێگه‌ی عيراق ئه‌نجامی ده‌دات له میانه‌ی ئه‌و گۆڕانكاریانه‌ی له رۆژهه‌ڵاتی ناوه‌ڕاست به‌ڕێوه‌ن و چاوه‌ڕوان ده‌كرێت به ئاماده‌یی سه‌رۆك به‌رهه‌م ساڵح پێگه‌ی عیراق پێشكه‌وتنی به‌رچاو به‌خۆیه‌وه ببینێت و رۆڵی شایسته‌ی خۆی بگێڕێت.
