سەرۆك كۆمار كارنامەی لە ژمارەیەك باڵێۆزی نوێ لە عێراق وەرگرت
- 8-01-2019, 00:00
بەڕێز سەرۆك كۆمار د. بەرهەم ساڵح ئەمڕۆ سێ شەممە ٨|١|٢٠١٩ لە كۆشكی سەلام لە بەغداد لە مه‌راسیمێكدا به جیا كارنامه‌ی باڵیۆزانی نوێی هەریەك لە باڵیۆزان جانگ كیونگ ووك باڵیۆزی كۆماری كۆریای باشوور و هرئایتشا بولایدیان باڵیۆزی كۆماری ئەرمینیا و مارتن فیتك باڵیۆزی كۆماری چیك و توبولی لو بایا باڵیۆزی كۆماری زامبیا و زبید زادە باڵیۆزی كۆماری تاجیكستان وه‌رگرت و پیرۆزبایی دەستبه‌كاربوونی لە ئەركە نوێكەیاندا لێكردن.
لە مەراسمیی پێشكه‌شكردنی كارنامه‌كانیان باڵێوزان باسیان له به‌رنامه و پلانی خۆیانكرد بۆ پەرەپێدانی پەیوەندییەكان لەگەڵ عێراق له پێناو خزمەتی بەرژەوەندی هاوبەشی عێراق و ئه‌و وڵاتانه، هاوكات پشتیوانی سه‌رۆك كۆماریان بۆ سه‌رخستن و په‌ره‌پێدانی كاره‌كانیان به پێویست زانی، هەر یەك لە محه‌مه‌د عه‌لی حه‌كیم وەزیری دەرەوە و نه‌سیر عانی سەرۆكی دیوانی سەرۆكایەتی كۆمار ئامادەی مه‌راسیمه‌كه بوون.
