بەریتانیا هاوبەشییەكی نوێ لەگەڵ عێراق ڕادەگەیەنێت

بەدواداچوون  -   INA
ئەمڕۆ یەكشەممە وەزارەتی بەرگری بەریتانیا لێدوانی لەسەر ڕێككەوتنی خشتەی كشانەوەی هاوپەیمانی نێودەوڵەتی لە عێراق دا، هاوكات ئاماژەی بە كاركردن بۆ پەرەپێدانی پەیوەندییە دووقۆڵییەكان و هەنگاونان بۆ هاوبەشییەكی نوێی ئەمنی لەگەڵ عێراق كرد.
وەزارەتەكە لە بەیاننامەیەكدا كە ئاژانسی هەواڵی عێراقی (INA) بەدواداچوونی بۆ كرد و وتی: شانشینی یەكگرتوو بەردەوام دەبێت لە پاڵپشتیكردنی ئاسایشی عێراق، لەگەڵ ئەوەی هاوپەیمانی نێودەوڵەتی دەچێتە قۆناغێكی نوێوە، شانشینی یەكگرتووش لە نزیكەوە لەگەڵ هاوبەشە عێراقییەكانمان كاردەكات بۆ پەرەپێدان پەیوەندییەكی بەردەوامی دوو قۆڵی لە ماوەی چەند مانگی داهاتوودا، وەك بەشێك لە گواستنەوە بۆ هاوبەشییەكی ئاسایش و بەرگری نوێ لەگەڵ عێراق.
ئاماژەی بەوەشكرد: ئۆپەراسیۆنی ئیرادەی سروشتی لە ساڵی 2014 دامەزرا بۆ ڕاوێژكردن و هاوكاریكردن و تواناسازیی هێزە هاوبەشەكان بۆ گەیشتن بە شكستی هەمیشەیی داعش و دامەزراندنی هاوكاری ئەمنی بەردەوام ئەم ئەركە لەژێر چەتری هاوپەیمانی نێودەوڵەتی دژی داعش كاردەكات كە 87 هاوبەشی تێدایە ( 82 حكومەت و پێنج ڕێكخراوی ئەندام) ن.
ناوبراو ووتیشی: لە ماوەی دەیەی ڕابردوودا، شانشینی یەكگرتوو لە ڕێگەی ئۆپەراسیۆنی شادەرەوە ڕۆڵێكی پێشەنگی گێڕاوە، كە بەشداریی شانشینی یەكگرتووە لە ئۆپەراسیۆنی ئیرادەی سروشتی و لەسەر بانگهێشتی حكومەتی عێراق، هێزەكانی بەریتانیا پاڵپشتییەكی بەنرخ و مەشق و ڕاهێنان و هاوكاری بۆ زیاتر لە 111 هەزار ئەندامی هێزەكانی عێراق، كە زیاتر لە 21 هەزار هێزی پێشمەرگەی كورد لەخۆدەگرێت، لە كارامەیی سەرەتایی پیادە، چاككردنەوەی چەك، دژە بۆمبی چێندراو، كارامەیی پزیشكی و ئەندازیاری.
ئاماژەی بەوەشكرد : هێزی ئاسمانی شاهانە زیاتر لە 10 هەزار گەشتی ئاسمانی ئەنجامداوە و زیاتر لە هەزار و 400 ئامانجی لێداوە، ئەمە جگە لە دابینكردنی چاودێری و سیخوڕییەكی ورد بۆ پاڵپشتیكردنی ئۆپەراسیۆنەكانی هێزە عێراقییەكان لەسەر زەوی، ئێمە ستایشی پیشەیی كادیرانی بەریتانیا دەكەین كە ڕۆڵی خۆیان لە هاوپەیمانی نێودەوڵەتیدا گێڕا.
ڕوونیشیكردەوە : بەهۆی بوێری و كاریگەریی هێزە ئەمنییەكان و هێزی پێشمەرگەی عێراق و پابەندبوونی بەردەوامی هاوپەیمانان، داعش لەسەر ئاستی هەرێمی لە عێراق شكستی هێناوە، هەروەها هێزە ئەمنییەكانی عێراق توانیویانە خزمەتگوزارییە سەرەتاییەكان بۆ پێكهاتەكان بگەڕێننەوە و ناوچە زیانلێكەوتووەكان نۆژەن بكەنەوە بەهۆی ململانێكانەوە لەگەڵ گەیشتن بەم ئامانجە بنەڕەتیانە، پرۆسەی گواستنەوە بۆ ڕێكخستنە ئەمنییەكانی نوێ لەژێر سەركردایەتی عێراقدا.
ئاماژەی بەوەشكرد : بە كاركردن شانبەشانی هاوبەشەكانمان لە هاوپەیمانی نێودەوڵەتی، شانشینی یەكگرتوو پابەندە بە دەستەبەركردنی شكستی داعش لە جیهان و ئایدۆلۆژیا توندوتیژەكەی. پابەندبوونمان بە ئاسایشی عێراق و ناوچەكەی فراوانتر هەر پتەوە بمێنێتەوە، و هەوڵدەدەین بۆ پەرەپێدان پەیوەندییەكی دوولایەنە كە پشتگیری لە سەقامگیری درێژخایەن دەكات لە عێراق.