سه‌ید حه‌كیم بۆ سەرۆک کۆماری ئێران: عێراق دۆخێکی سەقامگیری بێ وێنە بەخۆیەوە دەبینێت

بەغدا - INA

سەرۆکی ڕەوتی حیکمەتی نیشتمانی سه‌ید عەممار حەکیم دووپاتی کردەوە کە عێراق دۆخێکی سەقامگیری بێ وێنە لە ئاستی ئەمنی و سیاسی و کۆمەڵایەتیدا بەخۆیەوە دەبینێت.

سه‌ید حەکیم لە بەیاننامەیەکدا کە بۆ ئاژانسی هەواڵی عێراقی INA) ) نێردراوه‌،تێیدا ڕایگەیاند، “لەکاتی پێشوازیمان لە سەرۆکی کۆماری ئیسلامی ئێران، مەسعود پزیشكیان، و شاندی یاوەری، بە ئامادەبوونی محەمەد شیاع سودانی سه‌رۆكی ئه‌نجومه‌نی وه‌زیران ، و ژمارەیەک لە سەرکردەکانی چوارچێوەی هەماهەنگی، وتی جەختمان لەسەر قووڵایی پەیوەندی نێوان عێراق و ئێران و سروشتی هاوبەشی کولتووری و سیاسی کردەوە ئابووری و جوگرافی، بەو پێیەی عێراق بە سنوورە وشکانیەکانەوە بەستراوەتەوە کە ئەودرێژترین لە نێوان سنوورەکانی عێراق و وڵاتانی دراوسێدا".

سه‌ید حه‌كیم سروشتی سەردانەکەی ئه‌ربه‌عینیه‌ ئیمام حوسێن (سه‌ڵاوی خوای له‌سه‌ر بێت) و ڕۆڵی لە کۆکردنەوەی گەلان ڕوونکردەوە، شانازی و خۆی دەربڕی بەو خزمەتەی کە گەلی عێراق پێشکەشی زیاره‌تكه‌ران هەموو نەتەوەکان دەکات.

پەیامی ڕێبەری کۆماری ئیسلامی ئێران بۆ گەلی عێراق و موكیبه‌كانی حوسێنی زۆر بەرز نرخاند.

هەروەها جەختی لە خاڵە بەهێزەکانی کۆمەڵگەی عێراق کردەوە و ئاماژەی بەوەش کرد کە "بوونی شوێنکەوتووانی ئەهلی بەیت بە سەنگی دیمۆگرافیای خۆیان، بوونی مه‌رجه‌عی ئاینیی بەختەوەر، ڕێوڕەسمی حوسێنی، حه‌شدی شه‌عبی و چوارچێوەی هەماهەنگی هێز دەبەخشێت ". 

ئاماژه‌ی بۆ ئەوەش کرد کە "عێراق دۆخێکی سەقامگیری بێوێنە لە ئاستی ئەمنی و سیاسی و کۆمەڵایەتی و لەسەر ئاستی ڕەزامەندی جەماوەری بە ئەدای سیاسی و حکومی بەخۆیەوە دەبینێت".