بۆ ڕاکێشانی کۆمپانیا نێودەوڵەتییەکانی نەوتی پەرلەمان جەخت لەسەر پێویستی هەموارکردنەوەی یاسای وەبەرهێنان دەکاتەوە
سیاسی
- 19-06-2023, 11:17
بەغداد/INA
ئەمڕۆ دووشەممە، لیژنەی نەوت و وزەی لە ئەنجومەنی نوێنەران،جەختی لەسەر پێویستی هەموارکردنەوەی یاسای وەبەرهێنان کردەوە ، بۆ ڕاکێشانی کۆمپانیا نێودەوڵەتییەکان کە لە بواری پاڵاوگەکانی وەبەرهێناندا کاردەکەن.
"عەلی سەعدون لامی " ئەندامی لیژنەکە بە ئاژانسی هەواڵی عێراقی (INA)ی ڕاگەیاند: پاڵاوگەکان لە عێراق دوو جۆری هەیە:کە کەرتی حکومی و کەرتی تایبەتن ، بەڵام کەموکوڕی لە پاڵاوگەکانی حکومەتدا هەیە،هەر لەزۆری ماوەی کارکردنیان و بێتوانایی لە بەرهەمهێنانی بەنزینی باش، جگە لە کەمی بەرهەمهێنان کە خواستی ڕاستەقینە دابین ناکات.
ئاماژەی بەوەشکرد:- پاڵاوگە حکومییەکان پێویستیان بە ئامرازی نوێ هەیە بۆ ئەوەی هاوسەنگ بێت لەگەڵ گەشەپێدانی بەرهەمەکانی بە تەکنەلۆژیای سەردەم.
ووتیشی:- پاڵاوگە ئەهلییەکان پێویستیان بە هەموارکردنەوەی یاسای وەبەرهێنان هەیە بۆ ئەوەی کۆمپانیا نێودەوڵەتییەکان رابکشێت ، کە لە بواری پاڵاوگەکانی نەوتدا کاردەکەن بتوانن پڕۆژەی گەورە لە ناوخۆی عێراقدا دابمەزرێنن.
