نێچيرڤان بارزانى، پيرۆزباهيێ ل ئێزدييان دكه‌ت
سیاسی
- 19-04-2023, 14:25
هەولێر _INA
ئەڤرۆ ڕۆژا چوارشەمبی،سەرۆکێ هەرێما کوردستانێ نێچیرڤان بارزانی ب هەلکەفتا سەر سالێ پیرۆزباهی لە ئێزدیان کر.
نڤیسینگەها سەرۆکی هەرێما کۆردستانێ ل بەیانامەیێک دا کۆپیەک بۆ ئاژانسا هەواڵا عێراقی هنارد راگەهاند،جه‌ژنا سه‌رسالا ئێزدييان ل هه‌موو خوشك و برايين ئێزدى ل كوردستانێ، عێراقێ و ل هه‌ر ده‌ره‌كا جيهانێ بن، ب گه‌رمى و ژدل پيرۆز دكه‌م، هيڤيدارم جه‌ژن و سه‌رسال و بێهنڤه‌دانه‌کا خۆش و ئارام ده‌رباس بكه‌ن.
سلاڤ و ڕێز ژبۆ مالبات و كه‌سوكارێن قوربانى يێن ئێزدى يێن ده‌ستێ تيرۆرێ. دلێ مه هه‌رده‌م ل جه‌م وانه و هه‌ميان پشتڕاست دكه‌ين كو هه‌تا ئێزدييه‌ك وندا و ڕه‌ڤاندى مابيت، دێ له‌سه‌ر ڕزگاركرن و دياركرنا چاره‌نڤێسێ وان به‌رده‌وام بين.
جه‌ژن ل هه‌موويان پيرۆز بيت، هه‌ر سال ب خێر و خۆشى
