وەزیری دەرەوە دەگاتە سعودیە بۆ بەشداریكردن لە كۆبوونەوەی ڕاوێژكاری وەزاری
سیاسی
- 14-04-2023, 21:37
بەغداد - INA
وەزارەتی دەرەوە، ئەمرۆ هەینی رایگەیاند: وەزیری دەرەوە فوئاد حسێن گەیشتە شانشینی عەرەبستانی سعودیە بۆ بەشداریكردن لە كۆبوونەوەی ڕاوێژكاری وڵاتانی ئەنجومەنی هاریكاری و ئوردن و میسر.
وەزارەتی دەرەوە لە بەیاننامەیەكدا بۆ ئاژانسی هەواڵی عێراقی ناردووە، دەڵێت: جێگری سەرۆك وەزیران و وەزیری دەرەوە فوئاد حسێن گەیشتە شاری جەدە بۆ بەشداریكردن لە كۆبوونەوەی ڕاوێژكاری وەزاری كە لەلایەن شانشینی عەرەبستانی سعودیەوە میوانداری دەكرێت، بە بەشداری وڵاتانی ئەنجومەنی هاریكاری كەنداو و عێراق، شانشینی هاشمی ئوردنی، كۆماری میسری عەرەبی.
