سەحاف: وەزارەتی دەرەوەی عێراق پێشوازی لە رێككەوتنی قەتەر و بەحرەین دەكات بۆ گەرانەوەی پەیوەندییە دیبلۆماسییەكان
سیاسی
- 14-04-2023, 21:05
بەغداد - INA
وتەبێژی وەزارەتی دەرەوە ئەحمەد سەحاف، ئەمرۆ هەینی ڕایگەیاند: وەزارەتی دەرەوە پێشوازی لە ڕێكەوتنەكەی قەتەر و بەحرەین دەكات بۆ گەڕانەوەی پەیوەندییە دیپلۆماسییەكان.
سەحاف بە ئاژانسی هەواڵی عێراقی راگەیاند: وەزارەتی دەرەوە پێشوازی لەو ڕێككەوتنە دەكات كە لە نێوان شانشینی بەحرەین و دەوڵەتی قەتەر واژۆكراوە سەبارەت بە گەڕانەوەی پەیوەندییە دیپلۆماسییەكانی نێوان هەردوو وڵات بە پێی پرەنسیپەكانی بەیاننامەی نەتەوە یەكگرتووەكان و بڕگەكانی پەیماننامەی ڤیەننا لەسەر پەیوەندییە دیپلۆماسییەكانی ساڵی 1961م.
وتیشی: وەزارەت جەخت لەوە دەكاتەوە كە ئەم ڕێككەوتنە سەقامگیری و ئاسایشی ناوچەكە بەگشتی و ئەنجومەنی هاریكاری كەنداو بەتایبەتی بەهێزتر دەكات.
