لیژنەی کاروبارباری کۆمەڵایەتی لەپەرلەمان چارەنووسی یاسای خاوەن پێداویستییە تایبەتەکان ئاشکرادەکات
سیاسی
- 20-03-2023, 17:00
بەغداد/INA
ئەمڕۆ دووشەممە، لیژنەی کار و کاروباری کۆمەڵایەتی لە ئەنجومەنی نوێنەران،ئامادەیی رەشنوسی یاسای خاوەن پێداویستییە تایبەتەکانی بۆ دەنگدان لەسەری ڕاگەیاند، هاوکات وادەی تەواو بوونی یاسای خانەنشینی و دەستەبەری کۆمەڵایەتی دیاریکرد.
"حسێن عەرەب" جێگری سەرۆکی لیژنەکە،لەلێدوانێکدا بۆ ئاژانسی هەواڵی عێراقی (INA) ڕایگەیاند " ئەنجوومەنی نوێنەران مافی دارایی بەو کەسانە دەدات کە بەرنامەی پاراستنی کۆمەڵایەتی دەیانگرێتەوە.
"عەرەب"جەختی لەوە کردەوە"کە یاسای خاوەن پێداویستی تایبەت ،تەواوکراوەو ئامادەیە بۆ دەنگدان لەسەری لە دانیشتنەکانی داهاتوودا.
هاوکات ئاماژەی بەوەشدا" کە یاسای بیمە و خانەنشینی هەفتەی داهاتوو تەواو دەبن، ئەمەش کاریگەرییەکی بەرچاوی دەبێت لەسەر خزمەتکردنی ژمارەیەکی زۆر لە خێزانە عێراقییەکان.
