عەبادی لەگەڵ كۆمپانیایەكی ژاپۆنی تاوتوێی دامەزراندنی كارگەیەك بۆ دروستكردنی ئۆتۆمۆبیل لە عێراق دەكات
- 4-04-2018, 00:00
بەغداد – ا ه ع حەیدەر عەبادی سەرۆك وەزیران لەگەڵ كۆمپانیای سومیتومۆ-ی ژاپۆنی تاوتوێی ئەگەری دامەزراندنی كارگەیەك بۆ دروستكردنی ئۆتۆمۆبیل لە عێراق دەكات. لە بەیاننامەیەكدا كە وێنەیەكی بۆ ئاژانسی هەواڵی عێراقییە (ا ه ع) نێردراوە، سەرۆكایەتی ئەنجومەنی وەزیران رایگەیاند: حەیدەر عەبادی لە شوێنی مانەوەی لە تۆكیۆ پێشوازی كرد لە كۆنی هارو ناكامورا بەرێوەبەری كۆمپانیای سومیتومۆ-ی ژاپۆنی و وەفدی هاورێی. هەر لە بەیاننامەكەدا هاتووە لەمیانی دیدارەكەدا گفتوگۆ سەبارەت بەوەی ئەو كۆمپانیایە چەندین پرۆژە لە عێراق جێبەجێ بكات لە نێویشیاندا دامەزراندنی كارگەیەك بۆ دروستكردنی ئۆتۆمبیل لە ناو عێراقدا و پێشكەشكردنی خزمەتگوزاریش لە دوای فرۆشتنی، ئەو پرۆژەیەش دەرفەتی كار بۆ هاوڵاتیان دەرەخسێنێت.
