ناتۆ بۆردومانی روسیا بۆ سەر وێستگەی ئەتۆمی ئۆكرانیا ئیدانەدەكات
جیهانی
- 4-03-2022, 13:30
بەدواداچون - INA
یانس ستۆڵتنبێرگ سکرتێری گشتی ناتۆ ئیدانەی بۆردومانی ڕوسیای کرد بۆ سەر وێستگەی ئەتۆمی زاپوریجیا لە باشوری ئۆکرانیا و داوایكرد کۆتایی بە شەڕەکە بهێنرێت.
ستۆلتنبێرگ لە ڕۆژی نۆیەمی ئۆپەراسیۆنە سەربازییەکانی ڕووسیا بۆ سەر ئۆکرانیا، لە کۆبوونەوەیەکی بەپەلەی وەزیرانی دەرەوەی ناتۆ، رایگەیاند: هێرشکردنە سەر وێستگەی ئەتۆمی، سروشتی "بێباکی"ئەم جەنگە دەردەخات و پێویستە کۆتایی پێ بهێنرێت.
دەسەڵاتدارانی ئۆکرانیا دەڵێن: تانکەكانی ڕووسیا شەوی پێنج شەممە وێستگەی زاپوریجیای کردە ئامانج و بینایەکی مەشق و تاقیگەی سوتاند، بەڵام هیچ دزەكردنێكی تیشک نەبینراوە.
سەرچاوە: ئاژانسی هەواڵی فەرەنسی
