ساڵح وبلاسخارت لەبارەی چۆنیەتی بەهێزکردنی هەماهەنگی وهاریکاری بۆ به‌ره‌نگاربونه‌وه‌ى كۆرۆنا وتوێژیان كرد
- 9-03-2020, 00:00
به‌غدا-اه‌ع
د.بەرهەم ساڵح سه‌رۆك كۆمار و جینین هینیس بلاسخارت نوێنەری تایبەتی سکرتێری گشتی نەتەوە یەکگرتووەکان گفتوگۆى هه‌ماهه‌نگى وهاریكارى بۆ به‌ره‌نگاربونه‌وه‌ى كۆرۆنا كرا.
نوسینگه‌ى راگه‌یاندنى سه‌رۆكایه‌تى كۆمار له راگه‌یاندراوێكدا كه ده‌ستى ئاژانسى هه‌واڵى عێراقى (اه‌ع) كه‌وتووه رایگه‌یاند:" ساڵح پێشوازیكرد له بلاسخارت و لەمیانی دیدارەکەدا گفتوگۆکرا دەربارەی پێشهاتەکانی دۆخی گشتی و جموجوڵی ئاشتیانە لە وڵات و دووپاتیشکرایەوە لەسەر پشتیوانیکردنی (UN) لەهەوڵەکانی پێکهێنانی کابینەی نوێی حکومەت کە لە ئاست خواستەکانی گەلانی عێراق بێت و داواکاریەکانیان جێ بەجێ بکات هەر لەدەستەبەرکردنی ژیانێکی باشتر و شکۆمەند.
هەر لەدیدارەکەدا گفتۆگۆ کرا لەبارەی چۆنیەتی بەهێزکردنی هەماهەنگی و هاریکاری هاوبەشی نێوان عێراق و نەتەوە یەکگرتووەکان لە ڕێگای کۆمەککردنی کاری دامەزراوە تەندروستییە تایبەتییەکانی دەوڵەت بۆ بەرەنگاربوونەوەی ڤایرۆسی کۆرۆنا، هەروەها بەرجەستەکردنی هوشیاری بنەماکانی مافی مرۆڤ و فەراهەمکردنی ئازادی بیروڕا.
