کەعبی:پەرلەمان پابەندە بەسازدانی دانیشتنی دوشەممەی داهاتوو بۆ متمانەدان بەحکومەتەکەی عەلاوی
- 21-02-2020, 00:00
به‌غدا – اه‌ع
حه‌سه‌ن كه‌عبى جێگری یەکەمی سەرۆکی پەرلەمانی عێراق دووپاتیكرده‌وه، پەرلەمان پابەندە بە ئەنجامدانی کۆبونەوەیەکی نائاسایی لە رۆژی دوو شەممەدا، ئەویش بە ئامانجی متمانە بەخشین بە حکومەتی محه‌مه‌د تۆفیق عه‌لاوى سەرۆک وەزیرانی راسپێردراو .
کەعبی لە راگەیەندراوێکدا كه‌ده‌ستى ئاژانسى هه‌واڵى عێراقى (اه‌ع)كه‌وتووه ئه‌مڕۆ هه‌ینى ڕایگه‌یاند ئه‌نجومه‌نى نوێنه‌ران پابەندە بە ئەنجامدانی کۆبونەوەیەکی نائاسایی لە رۆژی دوو شەممەدا، ئەویش بە ئامانجی متمانە بەخشین بە حکومەتی داهاتوو وله‌سه‌ر داواى عادل عه‌بدولمه‌هدى سه‌رۆك وه‌زیرانى ده‌ستله‌كاركێشاوه،داوایشى له‌ئه‌نجومه‌نه‌كه كرد کۆبونەوەکەبە گوێرەی یاسا کارپێکراوەکان بەڕێوەبچێت.
